Peşə təmayüllü siniflər 10-11-ci siniflərdə oxuyan şagirdlər üçün nəzərdə tutulub və ümumi təhsil məktəblərinin nəzdində faəliyyət göstərir. Peşə təmayüllü sinifdə təhsil almaq üçün 9-cu sinfi bitirdikdən sonra şagird ərizə ilə öz məktəbi və ya peşə təmayüllü sinfin yerləşdiyi məktəbə müraciət edib məktəb dəyişikliyi etməlidir.

“Peşə Təmayüllü Siniflərin Təşkili” layihəsi çərçivəsində 4 profil ( kənd təsərrüfatı, təmir-tikinti, xidmət, İT) üzrə 16 peşə ixtisası tədris edilir. Bunlar aşağıdakılardır: Aqronom, Kombi-kondisioner ustası, Dülgər, Mebel quraşdırma ustası, Çilingər, Aşpaz, Bərbər, Dərzi, Qənnadçı, Helpdesk, Qrafik-dizayner, Kompüter operatoru, Manikür və pedikür üzrə mütəxəssis, Ofisiant və barista, Fotoqraf və videoqraf, Telefon təmiri üzrə usta.

X-XI sinif şagirdləri üçün nəzərdə tutulan peşə təmayüllü siniflərin yaradılmasında əsas məqsəd şagirdlərin müxtəlif peşə ixtisasları üzrə ilkin bilik və bacarıqlara yiyələnməyinə şərait yaratmaqdır. Şagirdlərə sahibkarlıq bacarıqları aşılamaq və əmək bazarının tələblərinə uyğun kadrların yetişdirilməsi də layihənin məqsədlərindəndir.

Peşə təmayüllü siniflərdə müvafiq vakansiya olduqda sosial media səhifələrində elan paylaşılır. Hər vakant yer üzrə imtahanda ən yüksək nəticə göstərən ilk üç namizəd müsahibə mərhələsində iştirak edir. Müsahibəni uğurla başa vuran namizədlərlə əmək müqaviləsi bağlanılır. Müsahibədə digər namizədə nisbətən aşağı bal toplamış digər uğurlu namizəd ehtiyat bazasına əlavə olunur. Tədris ili müddətində vakant yer yaranarsa həmin namizədlər dəyərləndirilir.